Mohir Malika ismli qizga koʼngil qoʼyib, unga yaqinroq boʼlish uchun hattoki, u bilan bitta oliygohga oʼqishga kiradi. Mohir shartnoma asosida, Malika esa, tayyorgarligi kuchli boʼlgani uchun byudjetga oʼqishga kirgan edi. Ikkovining munosabatlari chiroyli davom etardi. Kutilmaganda Malikani ukasining komp'yuteri buzilib qolganda, Mohir uni uyiga borib, tuzatib bermoqchi boʼladi. Аmmo... oʼsha kuni tasodifan uning doʼsti Nosir, Mohirni avval koʼngil qoʼygan qizi Layloni, u oʼqiyotgan oliygohni topib kelishiga sababchi boʼladi. Layloni koʼrgan Mohir nima qilishini bilmay qoladi. Chunki, uni Malika kutib turgan edi. U amallab Malikani chalgʼitib, “ukang vaqtincha foydalanib tursin” deb, oʼz noutbukini unga berib, joʼnatib yuboradi. Oʼzi esa, Laylo bilan birga shahar aylanib, kafega borishadi. Mohirning bu siri oshkor boʼladimi? Uning Malika bilan munosabatlari taqdiri qanday kechadi? Laylo-chi? Аvvalgi munosabatlarni qayta tiklamoqchi boʼlayotgan qiz bunga erisha oladimi? Mohir oʼzi kimni sevadi? Malikanimi yoki Layloni?