Qunduz psixolog, u ilk marta oʼz treningini oʼtkazishga tayyorgarlik koʼrmoqda. Shunda muammo yuz berib, u tasodifan eri Rustamning telefonini kavlab, oʼziga xiyonat qilayotganligini bilib qoladi. Bu unga ogʼir zarba boʼladi. Oʼzini zoʼrgʼa qoʼlga olib, ustozi Maftuna opaning daldasi bilan treningni boshlab, qabuliga kelgan ayollar bilan suhbatlashadi. Ustozining tavsiyasiga koʼra, oʼzini Аsalxon Ermatovna deb, tanishtiradi. Suhbat davomida uning qabuliga kelgan ayollarning hammasi ham, aynan oʼz erlaridan shikoyat qilib kelishgan edi. Malohatning eri uylanganiga koʼnikolmayotgan yengiltak, Xolidaning eri bor pulini kompьyuter oʼyinlariga sovurgan yigit, Odinaning eri Аbdulla xotiniga eʼtiborsiz inson, Shirinxonning eri esa, onasining gapidan chiqolmaydigan yigit edi. Eng ogʼiri esa, Zebo 19 yoshli talaba qiz, Qunduzning eri Rustam bilan uchrashib, unga turmushga chiqayotganligi maʼlum boʼladi. Qunduz nima qilishni bilmay qoladi. U bunchalik ogʼir zarbani kutmagan edi... U qanday yoʼl tutadi? Qabuliga umid bilan kelgan ayollarning muammosini hal qilib bera oladimi? Oʼz eri bilan bogʼliq muammoni-chi, qanday hal qiladi?