Katta oʼgʼil Jamshid oilaning ustuni boʼlib, otasining ishonchini qozongan edi. Otasi ham uni oilaviy biznesga boshliq qilishga qaror qiladi. Uning rafiqasi Shukronani, oʼz qizidek koʼradi. Bu esa, kichik oʼgʼil Farhodning rafiqasi Malikaga yoqmaydi. U hamma narsa, oʼz eri Farhodniki boʼlishini istardi. Bu yoqda qaynotasi ularning alohida koʼchib chiqishlariga ham, “Farhod alohida yashashga tayyor emas” deb, rozi boʼlmagani, uning gʼazabini yanada kuchaytiradi. U Jamshidga sharmandali tuhmat uyushtiradi. Bunga Jamshidning ota-onasi ham ishonishadi. Faqat Shukrona bunga ishonmaydi. Natijada Jamshid hamma narsadan mosuvo boʼlib, ota uyni hech narsasiz, xotini Shukrona va farzandlari bilan tark etishiga toʼgʼri keladi. Jamshid va Shukronaning kelgusi taqdiri qanday kechadi? Malikaning unga tuhmat qilgani fosh boʼladimi? Otaning butun umrini bagʼishlagan oilaviy biznesi Farhodning qoʼliga oʼtgach, u qanday yoʼl tutadi?