Zahina taniqli xonanda boʼlib, uning prodyuseri uni doim nazorat qilmoqchi boʼladi. Zahinaning qoʼrs javobidan soʼng, undan voz kechadi. Soʼng, uning baʼzi suratlarini internetda tarqatib yuboradi. Zahina ijodiga oʼz otasining pullarini sarflagan boʼlsa ham, uning tashkiliy ishlarini oʼsha prodyuseri yuritardi. U ketgach, Zahina grafik borasida baʼzi qiyinchiliklarga duch keladi. Oxiri hamma narsadan charchab, biroz dam olish uchun Turkiyaga yoʼl oladi. U yerda tasodifan Said ismli yigit bilan tushunmovchilik kelib chiqadi. Said uning xonandaligidan bexabar va qoʼshiqlarini ham eshitmagan edi... Maʼlum bir vaqtdan soʼng, urishaverib, oxiri ikkovi doʼstlashib qolishadi. Bu doʼstlik sevgiga aylanishi mumkinmi? Zahinaning ijodi, taqdiri qanday kechadi? U oʼzini Said bilan birga oldinda nimalar kutayotganidan bexabar edi...